 | | |
| | |
|
Spaces home  ching CHING 青青PhotosProfileFriends |  Tools   |
|
June 22 失戀!!!!!各位朋友~我要正式宣佈下啦~我以家單身啦~終於都夠膽寫出黎~之前自己都未接受到~以家接受到啦~同佢分開左啦~講就好容易~其實自己知自己真係好唔開心~但開始大個女~就算再唔開心都唔想係塊面寫出黎~不過好多謝好多好朋友同屋企人無間斷咁陪著我~所以基本上晚晚都有著落~唔駛自己一個咁寂寞~不過其實日日飲野~食飯~唱k~睇戲~行街買野~我銀包都好傷架~哈哈~真心希望你同我未來都有個適合自己，比到自己最大快樂的好伴侶~January 16 BUFFERT琴晚去左港島香拉食BUFFERT呀..真係食得好飽呀...
今年真係肥左好多....唔知同食得BUFEERT多有無關係呢...
計埋計埋...暫時今年都食左兩次港島香拉..一次九龍香拉...
一次尖咀萬麗..兩次都會海逸..仲有一次係澳門新萄京....
加埋加埋已經食左7次BUFFERT...真係平均每兩個月就食一次...
下個星期仲會食多次都會海逸...真係唔肥就假..
以家個肚腩仔都愈黎愈大啦...唉...
琴晚發覺自己愈黎愈唔鐘意食生蠔....
唔知係咪真係一年食得太多次....食都有D怕...食左兩隻就無食...
CARMEN同亞WING就真係食左好多..每人都有十幾廿隻...
真係無哂料...D生蠔仲好鬼新鮮...滴兩滴檸檬汁係生蠔上面...
竟然仲識「旭」...其實都幾恐怖...
January 14 打到隻右手好痛呀...星期六晚上..哥哥終於買齊架燦托左部wii返屋企啦...
咁星期日晚上我同哥哥同佢gf就係屋企玩啦....
玩左幾個game...暫時最難玩係cooking mama啦...
之後玩左will sport同賤兔....真係好好玩...
不過玩完will sport入面個打拳game...嘩...
隻手好q痛...當然地係我快拳之下..我哥哥就瓜左係我手上啦...哈哈...
不過就換黎一手酸痛..下次都係做左熱身運動先.... January 11 旅行好耐無上 黎打下字啦...話咁快就一年啦...
今年係老鼠年...即係我0既生肖啦...即係好快又到廿四歲啦....
人就愈黎愈大啦....但銀包就無愈黎愈厚...唔知點解呢排感覺對個前境好虛無咁...
真係唔知仲做唔做落去咁....其實係咪真係適合呢一行呢........唉....苦惱..苦惱...唔講呢D住先
好耐無去旅行啦.......今年有好多旅行等緊我..真係唔知係咪全部都可以參與到啦....
但我都無咁多大假啦......有同BF去旅行...同D朋友仔去旅行...
同中學班朋友去旅行......仲有屋企人的旅行........真係全部都好有興趣......
如果全部都可以去得成就真係超級開心啦......... December 17 病..........前日我好朋友惠惠結婚..我就緊係有份做姊妹啦...
但做姊妹前個日...又病左...但都要頂硬上啦..話哂人地一生人一次呀...
所以到佢結婚個日都唔太敢食藥....因為怕無精神...不過到晚上...
真係聲到差唔多失埋...不過見到惠惠結婚咁開心....我都真係好開心架...
個日同亞靜同珊珊成日一齊...吹下水咁都幾好玩...班兄弟都幾好笑...
所以全日都幾好玩(當正自己去玩咁)...不過專登買0既高跟鞋...
就真係著得勁辛苦囉...諗住買大d會著得爽d啦...點之搞到行得勁辛苦..
忍唔住食完早餐即刻買對鞋"chin"...跟住就好d...不過始終著波鞋最正啦...
哈哈...個日亦都發覺左自己真係一d都唔曉化妝...全新姊妹都裝備齊全...
only我只有一支lip gloss...真係唔似女仔...我都要快d學下先... November 25 黑.........又大左一歲啦...今年生日都過得開心0既...但一過左生日...又勁黑仔囉...好傷心...首先剛買左一個月的鞋(好鬼貴的)...因為唔記得放入鞋櫃...就比屋企唔知邊個整污槽左啦...已經救唔返...仲大撻左...多謝屋企某個家庭成員...無啦啦幫我洗左...勁...愈駛愈大撻...真係唔該哂...原本自己已經專登買野返去洗..以家買左個D野留返下一對都得啦...我都應該會買多對...不過真係好心痛...痛......痛........之後...又唔見左條手鍊...究竟我係咪唔適合帶手鍊呢...唔見一次又一次....唉...究竟何解兩日會發生兩單黑仔事件...唉.................
November 05 『６０』樣香港人最常做ga白痴野你地又試過幾多樣呀??? [隱藏]
60樣香港人最常做ga白痴野 1.玩米缸，將手插入米缸裡面o既米裡面篤下篤下。 2.在百貨公司入面篤扶手電梯旁的hi牌。 3.地下有階磚時，特登隔一格一格o黎行（不可踩界，要完全在格內）。 4.用錶面反射陽光，照o黎照去。 5.跳樓梯（愈多級愈勁）。 6.行路上高起左地方（例如高起左o既長條型石博），好似玩平衡木咁行法。 7.鋪張紙在硬幣上面，然後用鉛筆係上面油，油返個形出o黎。 8.軍僩蝷h糖之後，將糖紙包番個原本四四方方果個形出o黎。 9.超級市場踩住架購物車o黎行。 10.踩水"tum"，係好特登果隻。 11.吹口水波。 12.搣牆上的乳膠漆或牆紙。 13.係平滑o既地面上面跣下跣下咁行。 14.整濕o的紙巾，掟上學校廁所天花頂。 15.軍劃鬅b香口膠，一定摺返成張包裝紙，再放返入個大套入面。 16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出o黎，睇下個粉刷中邊個。 17.放膠袋（當風爭咁放）。 18.去後梯執咸書睇，將睇完的咸書撕開飄落街。 19.貼張龜仔紙嚮o的同學個背脊度。 20.踩人地個影。 21.狂踩人地對白飯魚，尤其是大肥仔果o的。 22.用幾條橡筋射o的同學。 23.掉人地門口的拖鞋落街。 24."Mung"消防喉，射水落下面個球場，睇下射到幾遠。 25.嘗試用「念力」整彎湯匙。 26.用氣鎗射街上的途人。 27.玩千揪，"fing"到咁上下就飛出去鬥遠。 28.落樓梯時坐係o的扶手上面"sir"落黎。 29.在自動梯行相反方向。 30.把「誤投信件」或沒有用的宣傳單張，胡亂放入其他的住宅信箱。 31.坐地鐵時，抓緊中間的扶手，地鐵一開動博命繞住轉（自轉）。 32.在月台上鬥快跑。 33.係被竇入面開住電筒扮露營同埋o係入面食零食。 34.用圖釘弄穿學校壁佈板。 35.亂按人地既門鐘，然後鬆人。 36.明知過左三歲，仍然吾買飛，「捐」地鐵既入出閘機。 37.不小心塗改液（很舊的有一個掃那種）塗在手上，然後用附送的天拿水，搽在手上以圖弄去改液。 38.用歡樂天地等既硬幣當一蚊用。 39.煲蠟。 40.把汽水罐靜雞雞放在校車的車輪下攝住，開車時把它壓扁。 41.用螢光筆油指甲。 42.向學校d木台上面畫公仔。 43.用電筒／雷射筆射落街或者照住d路人。 44.搣碎d紙巾，然後拋出窗。 45.巴士一開車，就同佢鬥快跑（最終當然唔夠快啦）。 46.落雨擔遮，懶係型咁轉把遮。 47.見倒d矮過自己既人行緊過黎，會好自然"gut"高d行。 48.將擦膠碎「初」成一粒黑色物體。 49.玩冒險樂園o的遊戲（例如籃球或保齡球），企o係最高或企o係跑道o既最尾玩。 50.地鐵出閘果時「捐」過閘口，拎走張地鐵飛當地圖。 51.屋企冇人果時，對住塊鏡學人跳舞／做戲／唱歌。 52. 同細路爭一d無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。 53.玩廁所水。 54.去到公園，係咁撕百千層d樹皮落黎。 55.慢慢行近麻雀到，企圖捉住佢地。 56.係街見到狗就扮貓叫，見到貓就扮狗吠。 57.趴o係地上扮死，想嚇阿媽阿爸。 58.畫花報紙或書上既畫，為人物加牛角或者胭脂等等。 59.拎d元寶當船放o係水上玩或者拋落街。 60.用條繩hid野到落去住下面o個戶人既窗前，然後"fing"來"fing"去，引人注意。 October 30 Harry Potter由星期六到星期日終於睇哂第七集的哈利波特啦..睇到好攰呀...但真係好好睇...完全唔想放低本書...今次本書分左兩本...可能最後一集啦...真係好唔捨得...有d位睇到有d想喊...睇下睇下又唔想睇落去...因為好唔捨得本書呀...但又好想睇埋個結局佢...最尾緊係睇哂啦...
不過唔透露結局啦...自己睇先有意思啦...yeah!!!家姐又去日本啦...今次希望可以幫佢用荀價book到d靚酒店啦...佢玩得開心...我d手信先甘架麻...哈哈...
October 25 試姊妹裙琴晚約左將會12月中結婚的子惠去睇姊姊裙....仲約埋伴娘同其他姊妹一齊去睇...我地3個姊妹其實都無乜所謂...諗住揀條無乜款....唔好咁多珠片呀、蝴蝶結呀..個D就最0岩我地...最尾亞靜揀左個條...我地成班姊妹仲決定全部人著同一條....因為都費時諗咁多...其實我覺得仲好啦...咁樣都幾特別...哈哈..跟住大家係度諗下著咩鞋啦...我就話著波鞋加條牛仔褲...珊珊就話著對Dr MARTIN BOOT..勁Rock & Roll囉...哈哈....新娘子惠仲話無所謂喎...真係超搞笑..其實大家都識左好多年啦...由中一識到以家....雖然唔係成日見...但每次見到面大家都好開心...所以以家子惠結婚...我地成班friend都好「燉」佢開心架....子惠...我都話左你係最早結婚架啦...我估中啦...September 18 都會海逸超級正正自助餐星期日..一家人total 8個(包括爸、媽、哥、哥ＧＦ、姐、姐夫、ＧＡＲＹ加我)去左都會海逸食BUFFERT DINNER..
其實之前都諗左好耐去邊個食好...最尾都係去左呢間...
因為上網睇好多人都話好...咁去到真係無預其到可以咁正囉...
正過我食過0既咁多間...雖然有D貴...但如果係擦得0既...
都抵架...講左咁耐...等我講下有幾正啦...
包括有...生蠔、長腳蟹、大大隻螺、涷蝦、仲有多款魚生...(有呢D冷盤不過唔記得咁多)
熱盤有好多好多呀...大約都有廿款..包括有明蝦、焗帶子、牛、羊、魚、
仲有生滾粥、印度咖喱、中式火鍋、片皮鴨、燒味、大大碗魚翅羹(呢個最正、雖然D人攞得好快，
但REFILL得都好快)
甜品就最正、生果、楊枝金露、有8隻口味的haagen-dazs雪糕、豆腐花、笀果布丁、生果班戟、
兩款朱古力噴泉、燕窩燉奶、冰糖燕窩、梳乎厘、仲有可以自己沖紅豆冰、菠蘿冰、涼粉冰等、
仲有好多甜品呀...
我地成家人都食得勁開心，真係好正呀，而且環境都幾好。
我一定會再去食架... July 19 長隆之旅我真係懶啦...去左長隆咁耐都未UPDATE係個SPACE度...好..個下個旅程先...7月8日至9日難得BF放左兩日假...咁我地就PLAN左去番禺0既長隆玩下...因為新開左個水上樂園啦...不過我唔識游水...所以我講明我可能有好多野都唔會玩啦...我又細膽呢...咁一早我地搭船過去啦...一去到酒店CHECK IN完食完午餐就出發...咁係酒店都要搭車去啦...去到真係超多人囉..可能星期六關係啦..而且又勁曬...更衣室就無香港泳池咁好...無咁乾淨啦...LOCKER都幾貴..又要比按金..都幾麻煩...TOTAL好似要$50-$60..咁換完衫就去玩啦...因為太多人啦..所以我地係人造浪池到浸左陣...之後見人人有個大水泡..咁我地入去排隊攞啦..點知原來又係要比按金加租金...又係搵笨的...不過我地都做左笨人...朝租...咁又攬住個水泡係人造浪池浮浮沈沈咁...之後去左飄流河都飄左一段時間...因為唔駛掛隊...飄左一陣覺得係時侯搵D野玩下...不過樣樣野都好多人排...不過黎到無理由乜都唔玩...咁就排左最激個個...仲要超多人排...其實我都好驚...不過又想玩下咁...排左半個幾鐘..到我地攞四人水泡啦...點知原來要4個人先玩得...咁又等左陣夾夠人先可以玩...之後終於可以玩啦...真係好驚...不過真係幾好玩...之後去左人造浪池浮左陣..又學下游水咁啦...咁緊係學唔識啦...我咁驚...之後玩左條滑梯...就走左返酒店準備去睇馬戲啦..總括黎講...都幾好玩..除左人太多...就係D水有D臭囉...更衣室差D...其實都OK 0既....
May 31 Be Delicious好開心...收到bf送的一份好鍾意的禮物...就係DKNY Be Delicious青蘋果味同紅蘋果味香水。其實隻青蘋果味香水出左成年幾架啦...紅蘋果味就近排出0既...不過差唔多成$500先得100ml...真係唔捨得買...所以收到支香水真係好開心...多謝bf...
May 07 一天澳門遊同屋企人籌備左好耐o既澳門之旅終於係星期日成行左啦(雖然由兩天改為一天)...星期日一早10點鐘船...全家一家大細就過大海啦(細o既意思即係我啦...除左我bf...因為要返工)...今次個行程主要都係食啦...要氹仔開始...首先諗住去食出唒名o既豬扒飽...但要成3點鐘先出爐...咁就諗住食完萄國菜先再返去食豬扒飽啦...但食完都係未夠3點(仲行左陣)...咁唯有死死氣去個度飲杯野食塊豬扒就算...之後就去左食萄tat啦...其實咪又係kfc萄tat...都係乜分別...之後去左大三巴行左陣...就去左食豆腐花...之後就行去新萄京...去玩下老虎機...都幾得意...不過其實真係幾waste錢...唔係咁易中啦...咁大家都係玩少少咁...之後去左食新萄京o既buffert...嘩...呢個真係要讚呀...全家都讚不絕口...首先講下d食物先...有勁新鮮勁大隻的生蠔...有日式天婦羅...中式燒味...蟹腳...剌身...即煮的麵食...串燒...好新鮮的海蝦...可以自己揀完(仲游緊水)...先叫佢煮...十幾款餸(如...咖喱蟹..羊肉...炒飯..唔係好記得啦...因為我其實都係食生蠔同蟹腳及刺身)仲包一杯飲品...都係$180...真係好抵...食得好開心...其實真係好過香港好多5星酒店buffert(好似賣緊廣告咁)...之後食完去玩多陣老虎機就搭船走啦...今次都幾開心...但好攰...因為好早超身...不過難得一家人去呀麻...May 02 剪左頭短髮星期六終於去左整直把鬈左差唔多兩年0既頭髮...仲剪到幾短(好忍心呀....)D朋友問其實會唔會好唔捨得...實在...真係一D都無囉...因為睇住D髮質變得咁差(中間電過4次... 勁....)所以真係好想剪左去...以家剪左頭髮個感覺係正...感覺好夏天呀...而且又快乾...又唔駛GEL頭...真係好方便...不過始終我直頭髮會比較貼...所以預左有人話唔好睇架啦...不過我大個女啦....唔會為左呢D野唔開心...最緊要自己睇得開心...咪得囉...April 24 再往台北之旅又好耐無UPDATE 個BLOG啦..上星期剛剛同BF去完TPE玩...
今次其實都去得幾趕架...因為夜去早返呀...所以實際玩左兩日...
不過都好開心呀...始終玩哂叫去旅行....心情都唔同D....
我地仲日日朝早都去左食亞宗麵線(我同BF都勁鍾意食)..
今次仲飲左好多杯金桔檸檬...真係好好飲...點解香港個D硬係無
台灣個D人沖得咁好飲...又大杯...好正哦...今次行市林發現左個新大陸...
勁多野行...由於我地趕住返西門町買阿宗麵線(其實朝早已經食左)...
所以都無行哂...不過真係好多野行...D野又唔貴...幾始香港女人街架...
希望下次有機會再行啦...不過應該唔係同BF去啦...因為佢話無5年以上都唔會
再去台北啦...可能始終係我較熱愛台北啦...唔緊要啦..你唔同我去...我咪同其他人去囉...呵呵...
終於知道加左幾多人工啦...都叫滿意啦...但當然想更好啦...同市場上仍有距離...
但做住先啦...唔諗咁多啦...
March 27 不愉快按摩星期六一早約左男朋友上深圳按摩，咁我地大約一點半鍾係旺角搭巴士去黃崗啦，咁其實一路都好順利啦．．咁去到黃崗我地就是但搵左揀按摩院，就跟團左佢地上車。間按摩院叫「水上明珠」，呢個就係不愉快按摩的開始啦‧咁去到呢間按摩院後，我同ＢＦ都好迅速換左衫啦．．大家涼都無沖．．因為我唔鍾意係按摩院沖涼架．．．總係覺得唔夠衛生．．．咁我地就係按腳大堂個度等位啦．．．其實人唔係好多．．但個場唔算大啦．．．所以都要等．．咁我地就諗住邊食邊等啦．．．咁就係餐廳食住等啦．．Ｄ野食都好平啦．．．不過唔係話好好食啦．．．咁次次食緊野時．．有位．．都唔夠人地快．．咁我就索性出去等啦．．咁唔知點解好鬼熱．．．咁我ＢＦ已經好唔想等．．．咁有著灰色衫好似係主任咁０既人就行過黎話．．不如先入房按身啦．．．咁ＢＦ都唔想等啦．．．因為真係好熱．．．咁就入房先啦．．．咁入房前我仲問個主任．．點解咁熱架．．．佢話停電．．所以唔夠冷氣．．．其實佢答完我都唔係好明．．．停電又點解有冷氣呢．．咁都唔理啦．．照入房．．．咁入到房Ｄ冷氣都ＯＫ．．唔會好熱．．．咁唔駛５分鐘已經有個按摩師入左黎．．係幫ＢＦ按摩０既．．咁我心諗我都應該好快有得按啦．．咁點知等左１５分鐘．．都未有．．咁我就去個ＴＯＩＬＥＴ先啦．．咁去完都未有．．．咁幫我ＢＦ按摩個按摩師都覺得唔對路啦．．．就幫我出左去叫人啦．．咁無耐有個好似又係主任０既入黎．．問我KEY NUMBER.話幫我叫個按摩師...咁個個MOMENT我仲好好老脾..話好呀..唔該快D...咁又過左15分鐘啦...都仲未有人入黎...咁我出去啦今次...我就搵左個著黑衫0既人問...佢又唔係好理我...話有架啦..等多陣啦...咁我話不如你幫我CHECK下啦...咁佢隔離個侍應就話叫我比個KEY NUMBER佢...佢去CHECK啦..叫我入房等..咁我返入房等啦...咁過一陣就有個灰色衫0既人又入黎房問我KEY NUMBNER啦..咁我照比佢睇啦...咁又一陣又有一個黑色衫0既人又黎問我按摩師到未...我話未呀...可唔可以快D安排個比我呀...咁佢又抄多次我個KEY NUMBER出左去．．我都開始嬲嬲地．．．過多陣又入黎一個侍應問我．．我係咪上過２樓．．咁我答佢．．無呀．．．仲要等幾耐呀．．．好煩呀．．．跟住我ＢＦ都忍唔住話佢地．．．咁又過多陣啦．．．終於有個按摩師入黎啦．．我心諗終於等到啦．．咁佢又黎望一望個KEY NUMBER牌..就話唔好意思呀..我唔係幫你按架...跟住出返去..咁大約過左一兩分鐘啦..我終於忍唔住啦...講左句...我唔按啦...我走啦...跟住一個人一支箭咁衝走左...係衝既同時..我又見到個侍應..我就同個侍應講..你地都唔知有無搞錯架...等左成個鐘..都無按摩師入黎..我唔按啦...個侍應都好驚..仲話..吓..仲未黎呀..跟住我就衝入去換衫走啦...咁我諗住換完衫就入返房等BF啦...咁我換完衫行出黎..就有個黑色衫0既人同我講..你BF出左等你啦...咁我就啦啦諗出去啦...咁出到大堂..BF0岩0岩換完衫...就行去櫃台...成條KEY掉過去..咁個度有個黑色衫人就話唔好意思...先生今次係我地唔0岩...咁BF就好惡咁話...唔0岩...咁你講你有咩唔0岩呀...咁條友就話係呀..我知我地唔0岩...咁耐都安排唔到按摩師...咁我地都會免左你朋友按摩費..但都要比沖涼費...咁我BF就話..你仲敢收錢0既...佢連涼都無沖呀...你仲敢收錢...(當中係有D粗口)跟住個黑衫人就話...咁我地免埋佢啦...咁最尾就靜係收左BF按摩錢同食野錢...咁行到出去...其實都仲好嬲...因為一心諗住黎舒服下...以家真係好唔舒服...WASTE左D時間...又WASTE搭車錢...又影響左大家心情...唉...真係一個不愉快經歷
February 27 恭喜發財我返黎啦...今次0既華東之旅...都幾辛苦...但搵錢就真係比泰國多左...所以呢個選擇都唔錯架...而且上海的夜景真係好靚...我相信我會再黎架...不過可能無咁快...以家出團開始想去D未去過的地方...下一團目標想去北京或者馬星... 不過呢個係目標啦...未必係事實架...我成日都驚呢樣驚個樣...可能最尾又去左泰國啦...哈哈...好啦...係度恭祝下大家係新一年都可以搵多D...女性朋友就愈黎愈靚...男性就愈黎愈型仔啦...仲有最緊要係身體健康呀....
February 05 新年去華東派左名啦...今年農曆年會去華東呀...好緊張呀(次次都咁緊張架啦)...今次係第一次帶飛機團去大陸....雖然去5日...都要遊4次船....但話哂呢達地方自己不嬲都想去...辛苦都值得的...希望順順利利啦...仲有呀...呢團都係我第一次帶團去D好涷的地方...自己都咁怕涷...不過我都會帶定多D防寒衣物...一定唔可以涷親架...如果唔係係個邊孤寧寧一個病....就一定好辛苦同唔開心啦...次次帶團前...都會好唔開心同失落啦...仲成日都會後悔...希望今次唔好有咁多呢D諗法啦...帶團帶都咁唔開心...唔知為乜...明明自己就自願...而且話哂去搵錢呀...所以一定要加油加油呀...
January 11 嘩..咁快又一年好耐無掂過個blog啦...真係好懶..
.
咁快就一年啦...06年對我黎講..真係算係幾特別一年...
首先家姐結左婚啦...多左個姐夫...但我都唔會叫姐夫啦..怪怪咁...
不過家姐結婚個日真係幾靚架...可能女人真係結婚時最靚啦...
真係要好好祝福佢地...雖然以後睇完恐怖片唔可以再同家姐孖補...
但我都好開心架...因為我知家姐真係好開心...所以我都會好開心...
另外最特別係同左另一個男朋友一齊啦...都好開心架...
黎個07期望先...
希望自己唔好咁懶啦...因為想搵d野讀下...進修下...加油..加油...
另外想自己性格大膽d...唔想咁謄雞...
最後曹下錢啦...太大駛啦..
好咁多先..唔好咁大壓力...
November 24 生日快樂啊....今年生日好多謝各位朋友仔同我慶祝呀...你地比左個驚喜我呀...真係好開心...
未試過咁樣收花...所以份外開心...係度多謝比面出席的雯雯,米米子,阿LING,PINKY,
CHERRY,ANSON,VIC,BRIAN,IVAN,肥超,ZEN(排名不分前後)。雖然QUEENIE無份出席,
但好多謝你幫我整左張勁靚生日咭...真係好多謝架。
咁最後就要多謝男朋友仔啦...佢比我的驚喜真係一浪接一浪...不過詳情就唔透露咁多啦...
總之多謝哂呀。
今次生日同男朋友去左海泉灣同迪迪尼...海泉灣真係幾好呀...浸都浸左3個幾鍾...浸浸下又按下腳咁...
其實真係幾爽架...本來想係溫泉度影下相架...但原來唔影得架...唔知係咪驚我地偷拍呢...
但迪迪尼就比我想像中差囉....不過始終未去過...都值得去一去0既...但個入場價又真係確實唔抵囉....
不過呢個假期過得好開心...可能又放假又生日啦...個感覺確係唔同...
|
|
|
Print
